कोल्हापूर : शेतकऱ्यांना एकाच छताखाली नवनवीन शेतीविषयक तंत्रज्ञानाची माहिती मिळावी या उद्देशाने डी. वाय. पाटील ग्रुप, महाराष्ट्र शासन कृषी विभाग, आत्मा, कृषी विज्ञान केंद्र यांच्या संयुक्त विद्यमानाने पश्चिम महाराष्ट्रातले भव्य असे “सतेज कृषी व पशुपक्षी प्रदर्शन २०२४ चे येत्या २७ ते ३० डिसेंबर २०२४ या कालावधीत आयोजन करण्यात आले आहे. येथील तपोवन मैदान येथे हे प्रदर्शन चार दिवस भरविण्यात आले असून या प्रदर्शनात देश विदेशातील विविध नामांकित कंपन्यांचा समावेश आहे. याचबरोबर पशुपक्षी दालन, शेतकऱ्यांना तज्ञांकडून मार्गदर्शन,तांदूळ महोत्सव, विविध कंपन्यांची उत्पादने व शेतकऱ्यांसाठी तंत्रज्ञान,नवीन अद्ययावत मशिनरी यांची माहिती एकाच छताखाली मिळणार आहे.अशी माहिती संयोजक विनोद पाटील,रिलायन्स पॉलिमर्सचे सत्यजीत भोसले,सुनील काटकर यांनी पत्रकार परिषदेत दिली. प्रदर्शनाचे उद्घाटन शुक्रवार २७ डिसेंबर रोजी सायंकाळी ५ वाजता खासदार श्रीमंत छत्रपती शाहू महाराज यांच्या हस्ते होणार आहे.यावेळी आमदार सतेज पाटील, माजी आमदार ऋतुराज पाटील,आमदार जयंत आसगावकर यांची उपस्थिती असणार आहे.तरी चार दिवस चालणाऱ्या या प्रदर्शनाचा लाभ शेतकऱ्यांसह सर्वांनी घ्यावा असे संयोजक विनोद पाटील यांनी पत्रकार परिषदेत केले आहे.या प्रदर्शनात १५०० किलो वजनाचा मुऱ्हा जातीचा रेडा आकर्षण असणार आहे.
प्रदर्शनाचे २०२४ हे ६ वे वर्ष असून या प्रदर्शनामध्ये शेतकरी ते ग्राहक असा थेट विक्री होणारा तांदूळ महोत्सव, धान्य महोत्सव, २०० पेक्षा अधिक कृषी कंपन्यांचा सहभाग, १५० पेक्षा अधिक पशु-पक्षांचा सहभाग, शेती विषयक तज्ञांचे मार्गदर्शन व चर्चासत्र, विविध शेती अवजारे, बी-बीयाणे खते आदींची माहिती, फुलांचे प्रदर्शन व विक्री (पुष्पप्रदर्शन) विविध सांस्कृतिक कार्यक्रम व बचत गटांचे मोफत स्टॉल,लहान मुलांसाठी अम्युझमेंट पार्क आदींचा समावेश करण्यात आल्याचे आ. पाटील यांनी सांगितले.
देशातील आघाडीच्या संशोधन पर उपयुक्त शेती साहित्य निर्माण करणाऱ्या रिलायन्स पॉलीमर्स, महालक्ष्मी शेती विकास केंद्र, संजय घोडावत ग्रुप यांचे प्रायोजकत्व प्रदर्शनाला लाभले आहे. त्याचबरोबर महाराष्ट्र शासनाचा कृषी विभाग, आत्मा, जिल्हा परिषद, पणन विभाग यांचे सहकार्य लाभले आहे. यासाठी असोसिएशन ऑफ कोल्हापूर बी-बियाणे, किटकनाशके, रासायनिक खत व्यापारी, कोल्हापूर संघटनेचे अध्यक्ष विनोद पाटील, धीरज पाटील, रिलायन्स पॉलिमरचे सत्यजित भोसले, स्काय स्टार इव्हेंटचे स्वप्निल सावंत हे कार्यरत आहेत.
या प्रदर्शनामध्ये देशातील आघाडीच्या व विदेशी संलग्नीकरण असलेल्या कृषी क्षेत्रातील विविध संस्था सहभागी होत आहेत. यामध्ये गोकुळ दूध संघ, पाटील ऑईल मशीन,प्रथम पेस्ट,ओंकार बंब जय इंडस्ट्रीज मयुरेश टेकनॉलॉजी गोविंद मिल्क सातारा, कृष्णा सेल्स , बॅगमार्क इंडस्ट्रीज, धनलक्ष्मी आटा चक्की, चेतन मोटर्स,रॉयल इन्फिल्ड बाहुबली प्लास्टिक, महालक्ष्मी शेती विकास, वरद इंडस्ट्रीज, चितळे डेअरी, कागल बंब, त्रिवेणी मसाले, पेरु नर्सरी स्टॉल, एस.एम. फर्निचर,
बळीराजा आटा चक्की, संकेत बायोटेक, रोनिक, जैन इरिगेशन सागर ऑटोमोबाईल आदी नामवंत कंपन्या आपले उत्पादन सोबत या प्रदर्शनात सहभागी होत आहेत.
याचबरोबर विविध बी-बियाणे शेतीची अवजारे, खते औषधे आदी उत्पादने पहावयास मिळणार आहेत. शिवाय शेतीची नवीन माहिती व अन्य नवनवीन औजारे पहावयास मिळणार आहेत.प्रदर्शनामध्ये पीक स्पर्धा, पुष्प स्पर्धा, जनावरे स्पर्धा,खाद्य महोत्सव आयोजित करण्यात आले आहे. तसेच शासनाच्या विविध योजनांची माहिती या ठिकाणी दिली जाणार आहे. याचबरोबर काही शेतकऱ्यांना शेतीभूषण पुरस्कार, आदर्श शेतकरी पुरस्कार आणि कृषी विभागाच्या वतीने उत्कृष्ट शेतकऱ्यांचा आणि खाद्य स्टॉल स्पर्धा पशुस्पर्धांची बक्षीसही दिले जाणार आहेत. शिवाय आत्माच्या वतीने ही शेतकरी गट कंपन्यांची माहिती दिली जाणार आहे. मागील दोन वर्षात झालेल्या तांदळाची उचांकी विक्री पाहून याहीवर्षी तांदूळ महोत्सव देखील भरविण्यात आला असून यामध्ये आजरा घनसाळ, रत्नागिरी २४, भोगावती, इंद्रायणी तांदूळ,हळद,नाचणी शेतकऱ्यांकडून थेट उपलब्ध केले आहेत. त्याची विक्री होणार आहे. तर पाणलोट व्यवस्थापन, पाचट व्यवस्थापन आणि शेतीची नवीन पद्धती याबर भर असणार आहे.विविध प्रकारचे जनावरे पशुपक्षी पहावयास मिळणार आहेत यामध्ये उस्मानाबादी शेळ्या, बोकड, खडकनाथ कोंबड्या, ससे, पांढरे उंदीर, तसेच कुक्कुटपालन, वैशिष्ट्यपूर्ण चिनी कोंबड्या, वेगवेगळे बैल, घोडे, म्हैशी, विविध पक्षी, विविध जनावरांच्या जाती पहावयास मिळणार आहेत.
या प्रदर्शनात जैन इरिगेशन सिस्टीम्स् लि. जळगांवचे वरिष्ठ कॄषीविद्यावेता सुरेश मगदूम हे ऊस/केळी पिकासाठी ठिबक सिंचन काळाची गरज/ठिबक सिंचनाची काळजी व देखभाल व खत व्यवस्थापन या विषयावर आपले विचार मांडणार आहेत.तर मुरघास तंत्रज्ञ व सेक्सेल सिमेंन याविषयी मार्गदर्शन माहिती श्री चंद्रशेखर वसंत कुलकर्णी चितळे डेअरी आणि डॉ सतीश कोगनुळे चितळे जिनस ए. बी.एस हे मार्गदर्शन करणार आहेत.पत्रकार परिषदेला डी.डी.पाटील स्वप्नील सावंत,प्रफुल काटे यांची उपस्थिती होती.
