गाथा नावनाथांची मालिकेतील कलाकार व जाधव यांच्याकडून शिवराय तरुण मंडळाची महाआरती संपन्न
कोल्हापूर : शाहूपुरी घोरपडे गल्ली येथील शिवराय तरुण मंडळाच्यावतीने बुधवार दिनांक ७ सप्टेंबर रोजी मान्यवरांच्या हस्ते महाआरती व महाप्रसादाचे आयोजन करण्यात आले होते. दैनिक पुढारीचे कार्यकारी संपादक योगेश जाधव यांची प्रमुख उपस्थिती या कार्यक्रमास होती. तर लोकांच्यात उत्सुकता व लोकप्रिय असणारी सोनी मराठी वरील ‘गाथा नवनाथाची’ या लोकप्रिय मालिकेतील जयेश शेवलकर आणि नकुल घाणेकर या कलाकारांच्या हस्ते महाआरती संपन्न झाली. गाथा नावनाथांची मालिकेबाबत त्यांनी माध्यमांशी व लोकांशी संवाद साधला. यानंतर आयोजित महाप्रसादाचा शुभारंभ ही मान्यवरांच्या हस्ते करण्यात आला. मंडळाचे अध्यक्ष यांनी पाहुण्यांना मानाचा गणपती असणाऱ्या श्रींचे मानाचे श्रीफळ व रोप देऊन त्यांचे स्वागत केले. यावेळी देवस्थान समितीचे शिवराज नाईकवडी, भागाचे नगरसेवक दिलीप पोवार, रत्नेश शिरोलकर, राम झेंडे, अमित हुक्कीरे, प्रसारमाध्यमातील सर्व माध्यमकर्मी व मंडळाचे अध्यक्ष अमेय बकरे यांच्यासह सर्व पदाधिकारी, कार्यकर्ते व भागातील नागरिक मोठ्या संख्येने उपस्थित होते.
